جريت على ربى وانا خايف قالى مالك من ايه خايف
قلت الاعداء بيطردونى جايين ورايا عايزين يخدونى
باسنى من راسى قالى حبيبى ازاى تخاف وانت جايلى
دا انا الى معاك وان كنت نسيت بص لسحاق ويعقوب قبليك
قلتله خبينى يا ربى قالى بردة لسه خايف
طاب تعالى هنا جمبى بص بعنيك وخليك شايف
جم الا عداء عليا ربى نظرى لى وعارف قلبى
قال لاعداء دا ابنى والى يمسه يمس عينى
فى الحال جريوا الاعداء عنى وبقيت انا وربى لوحديا
سجدت على ركبى قلته شكرا ليك يا حاميا
خدنى فى حضنه تانى وقالى يا ابنى لا تعد تخاف
وان العالم كله نسيك بردة امشى مرفوع الراس
كنت هبكى من فرحتى اد ايه كنت انا غلطان
طلع الملك من اسرتى وعنه كنت انا غفلان
قالى انا الرب الهك حاميك لا انسى تصميم يداى
وان العالم كله نسيك انا يسوع ابدا ما انساك
نظرى الرب يسوع بعطف وحنان مش موجود بانسان
عرفت قصدة من نظرته قلت فى سرى مش هخاف
مشيت فى طريقى ويسوع ورايا وعارف انه ناظر ليا
بيكلمنى وقلبى سامع صويه بيهيئلى الابديه
عرفت ان الرب حنين ومعايا طول الطريق
وان كان قلبى حبه قليل هوة حبه اكتر بكتير