بســـــــــــم الاب و الابن و الروح القدس
الاله الواحد امـــــــــيـــن
في زمن من الازمان كان في صيام .. و كان في قديس عظيم ليه تلميذ كان بيقول ان الشيطان بيجربه في كل حاجة و الشيطان بيعمله فخوخ و كدا ...
في يوم من ايام الصيام الراهب دا كان صايم انقطاعي و جه معاد انه يفطر خلاص .. اثناء وجودة في القلايه لقي ايه ؟؟؟
(بيضة)الراهب دا لقي بيضة و طبعا البيض مش صيامي يعمل ايه بقي الراهب دا ؟؟؟؟؟ يفطر و لا يفضل صااايم ؟؟
الراهب جاب الشمعة اللى كان بيصلي عليها و راح جاب البيضة و حطها تحت الشمعة عشان تستوي و ياكلها..
لو اي حد غيرة ما كانش عرف يسلقها او يسويها عشان ياكلها
لكن نقول ايه بقي الحاجة ام الاختراع ....
بعد لما البيضة استوت وجد الراهب دا مشكله تانية ؟؟؟ ازاي يقشرها و هي سخنا نار مكان الشمعة و هوة جهان و البيضة شكلها شهي بالنسبه ليه و هوة في صيام
يعمل ايه ؟؟ فكر يبردها ازاي قال ان الجسم الصلب يكتسب الحرارة بسرعة و يفقدها بسرعة و احنا في اخر النهار...
يعني الرملة زمانها بردت من الجو عشان بتفقد الحرارة بسرعة راح جاب البيضة و حطها في الرمله عشان تبرد
و انا برضو بقول دا لو انسان عادي مكانش عرف يعمل كل دا و برضو الحاجة ام الاختراع بعد لما برد البيضة و قشرها
بدأ ياكلها و اثناء ما هوة بياكلها طب عليه الملعم بتاعة اللى هوة القديس اللى انا قولت عليه في الاول ....
فلما شافه سأله ليه يابني كسرت صيامك ؟؟؟؟ رد عليه الراهب دا و قاله " يا ابي الشيطان ضحك عليا "
و طبعا معلمه دا قديس .. فراح للشيطان و قاله ليه بتخليه يعمل كدا و هوة لسه صغير في الروحيات مش قدك
رد عليه الشيطان و قاله " انا معرفش اساسا مين الراهب دا ولا اعرف حتي اسمه و لا شكله و لا عمري جربته و بعدين انا اول مرة اعرف ان البيضة بتتبرد في الرمله "
ومن هنا الراهب دا اخد درس في ضبط النفس و عرف ان مش كل الشهوات و التجارب من الشيطان
و من هنا انا حابب اقولكم انكم تقاوموا شهوة القلب قبل ان تقاوموا الشيطان و التجارب لان في الغالب قلبنا هوة الذي يشتهي و ليس للشيطان تدخل في هذا
انا سمعت الحكايه دي من قداسه البابا و من ساعتها عرفت ان معظم الشهوات مصدرها انا نفسي و ليس للشيطان تدخل فيها ...